Multimydia
Integracyjo multimydialnych maszin ze systymym inteligyntnygo stawiynio przinosi moc użytku. Społym ze dobrze zaprojektowanym a regiyrowanym ôświytlyniym, masziny te tworzom ôdpednio atmosfera we stawiyniu. Umożniajom tyż przekozywaniy wertownych informacyjow na intuicyjny knif i taki, co niy wymogo dować srogigo pozoru.
Skuli tego, co nad ôdpednim graniym muzyki i głosowymi uwiadomiyniami wachuje jedyn systym, funkcyje niy szterujom sie. Systym inteligyntnygo stawiynio umożnio tyż roztomajte nasztalowania dźwiynku we roztomajtych placach we ôbiekcie. We kożdyj z nich może być grano inkszo źwiynkowo ściyżka ze ôbranom indywidualnie głośnościom i parametrami źwiynku.
Systym godo ludzkim głosym
Interesantnom funkcyjom systymu je możność syntezy ludzkigo głosu na żywo. Umożni to ôdtworzyniy jakigo ino głosowygo komunikatu, w tym głosowych komunikatow do konkretnych ôsob abo komunikatow, kere informujom ô teroźnyj liczbowyj wercie (np. teroźnyj wilgłości we saunie abo tymeraturze wody we basynie).
Sztrefowo muzyka (multiroom)
Jednom z multimydialnych funkcyji inteligyntnygo stawiynio je ôbior akuratnyj muzyki do kożdyj ze sztrefow stawiynio. Regiyrowaniy dystrybucyjom dźwiynku do konkretnych źwiynkowych counow może dzioć sie rynczniy ze jednyj ze konsol systymu, a tyż automatyczniy podle nasztalowanygo harmonogramu (dziynnygo, tydniowygo abo rocznygo), zależnie ôd przitomności ôsob, stanu czujnikow wnontrz abo zewnontrz stawiynio.
Take fungowaniy umożnio pełno integracyjo automatyki ze tm. systymami multiroom – systymami wielosztrefowego nagłośniynio.
Dobrze zaprojektowany sytym inteligyntnygo stawiynio bydzie przedsia ôbiyroł akuratne dźwiynkowe ściyżki do konkretnych sztrefow a tworził indywidualno przistosowano do przileżytości atmosfera dlo kożdyj ze sztrefow stawiynio.
Moderno konferyncyjno sala...
Systym inteligyntnygo stawiynio zapewnio we konferyncyjnych salach niy ino ôdpednio tymperatura i komfortowe parametry luftu. Dziynki fungowaniu systymu kludzyniy przemowy abo przezyntacyje bydzie moc prostsze, bez to, co ôsoba, kero kludzi niy musi tropić sie ô ôdpednie zaciemniyniy sale we czasie prezyntacyji ze rzutnika.
Systym nasztaluje ôdpednie naświetlyniy konkretnych placow we sali zależnie ôd etapu prezyntacyje, umożni tyż regiyrowaniy mutimedialnymi maszinami, takimi jak projektory, ekrany i wyświytlocze, a tyż ôgowi sie dystrybucyjom źwiynku we sali.
Niyprzidajne ci kino, coby poczuć sie jak na richtich seansie.
Niyprzidajne ci kino, coby poczuć sie jak na richtich seansie. Po prziciśniyńciu jednygo knefla systym spuści rolety, włonczy dyskretne ôświetlyniy i telewizor abo wyciśnie ekran i projektor.
Ciebie ôstanie ino siednońć sie we umiyłowanym zeslu.
