Monitoring mydiow
Systym zbiyro daty ze ôbiektu i pokozuje je jako czytelne wykresy. Umożnio nom prownaniy ôdczytow ze roztomajtych rachowoczow, czujnikow tymperatury, wilgłości, aji siyły światła ôd klary. Idzie na wykresach ôznaczyć werty progowe, po przekroczyniu kerych systym do znać używoczowi (np. bez SMS) abo zafunguje inakszyj (np. zastowi sztrom we skozanym ôbwodzie).
Wykrywaniy stratow
Dziynki stałymu monitoringowi możebne je wykryciy krapanio wody i inkszych strat. Systym umożni archiwizacyjo zebranych informacyji we bazie datow, eksport datow do zbioru .csv abo wydruk ôbranych datow abo wykresow. Dziynki zdalnymu dostympowi do tych datow wszyjske wykresy idzie ôbziyrać na smartfonie, tablecie abo komputrze.
Wiysz, wiela elektrycznyj ynergije, wody, gazu zużywosz? A medykujesz sie roz za kedy, wiela ynergije, za kero żeś zapłacioł boło przidajne, a wiela boło przetyrmanione?
Przikłodowe użytki:
- Analiza strzednij maksymalnyj i minimalnyj tymperatury/wilgłości abo inkszyj fizycznyj werty we danym czasie,
- Porownaniy werty tymperatury/wilgłości abo inkszyj fizycznyj werty stawiynio we roztomajtych ôkresach,
- Porownaniy werty tymperatury/wilgłości abo inkszyj fizycznyj werty ze poru czujnikow (np. porownaniy zewnyntrznyj i wnontrznyj tymperatury stawiynio),
- Analiza zużycio elektrycznyj energije abo inkszygo mydiom we danym dniu/miesioncu/roku,
- Porownaniy zużycio elektrycznyj energije abo inkszygo mydium we dwoch roztomajtych ôkresach,
- Prognozowaniy zużycio elektrycznyj energije abo inkszygo mydium,
- Zmiana knifu reskyrowanio maszinami, coby niy przekroczyć progu zużycio pasywnyj energije,
- Ôptymalizacyjo zużycio mydiow we stawiyniu abo produkcyjnyj hali.
