Kontrola maszinow
Dziynki regiyrowanym sztekrom i elektrycznym ôbwodom możebne je kontrolowaniy jakij ino masziny skuplowanyj ze elektrycznym necym. Integracyjo ze systymym BMS umożnio miyndzy inkszymi zdalne włonczaniy takigo inteligyntnygo sztekra przi pomocy mobilnych maszin.
Forsztelujmy sie bez przikłod, iże wychodzymy z chałpy i przepominomy zastawić biglozko. Systym do nom znać ô tym i – co wożne – zwoli zastowić je zdalniy.
Systym umożnio tyż monitorowaniy energije pobiyranyj ôd maszin pokuplowanych do inteligyntnych sztekrow. Dziynki srogim analitycznym funkcyjom ôkrom gyszichty pobiyranyj energije, systym dowo moc wykresow, tryndow i porownań, co ôkozuje sie fest pomocne, kej chcymy szporować elektryczno energijo.
Podle czytelnie pokozanych datow bez niyprzileżytości mogymy znojś, kaj niyprzidajnie tracymy ynergijo.
Systym może zerkomandować kaj i kere ze maszin mogom być automatycznie zastowiane, coby zmyńszyć straty.
Kontrola podsystymow
Moc srogsze możności reskyrowanio maszinami systym BMS ôferuje postrzod swojich podsystymow, kere som szerzyj ôbgodane we konkretnych zakłodkach (Ôświetlyniy, Ôgrzewaniy, klimatyzacyjo i wyntylacyjo, Bezpiyczyństwo, Multimydia, Alternatywne zdrzodła energije).
W tym przipŏdku mōmy do czyniyniŏ ze regiyrowaniym:
- ôświytlyniym on/off
- ôświytlyniowymi ściymnioczami
- hajcongami
- klimatyztorami
- rekupertorami
- plompami ciepła
- roletami
- markizami
- siyłownikami dachowych ôkyn
- wjazdowymi bramami
- garażowymi bramami
- elektrozomkami i elektromagnetycznymi zaworami
- elektrozaworami
- domofonami, wideodomofonami, telefonami, a tyż interkomami podpartymi technologijom VoIP
- kamerami ôbrotowymi PTZ
- nawodnianiym zygrody
- podgrzewaniym podjazdu i drynic
- maszinami, kere procujom we standardzie ModBus, DMX, OPC
- alarmami
- i wieloma inkszymi...
Nojsrogszom zaletom scyntralizowanygo systymu reskyrowanio je możność rychtowanio zależności miyndzy jakimi ino maszinami systymu.
