Bezpiyczyństwo
Na bezpiyczyństwo ôbiektu i ôd niygo ôbtoczynio wpływo moc prziczyn, toż prawiymy ô wielu roztomajtych systymach bezpiyczyństwa:
- Monitoring wideo
- RFID – Kontrola Dostympu i Registracyjo Czasu Procy
- Przeciwôgniowy systym
- Antywłomaniowy systym
Inteligyntny systym regiyrowanio stawiyniym umożnio integrowanie roztomajtych podsystymow bezpiyczyństwa. Fest wożne je to, co to mogom być rozwionzania już przodzij zainstalowane we stawiyniu. Dziynki cyntralnymu systymowi regiyrowanio, je możność społdzielynio elymyntow czujnikowych i sprowunkowych roztomajtych podsystymow, co richtich zwiynkszo możebności i efektywność, a skuli tego bezpiyczyństwo.
Inteligyntny systym bezpiyczyństwa ôferuje nom blank nowe możności, co dozwolo isto rozbudować baza alarmowych schymatow:
- automatyczne ôdewiyranie ańfartow i rolet, kej trefi sie przeciwôgniowy alarm,
- automatyczne zawiyranie zaworow mydiow, kej trefi sie alarm zalonio, ôdkrycio gazu,
- symulacyjo ôbecności (bp. rolety i światło), kej na dugo sie wybiyrocie z doma,
- blinkanie wszyjskich świateł w domakej trefi sie alarm, włomanie abo ôgyń, coby inksi dali pozor,
- powiadomianie ô alarmach ôbranych ôsob i instytucyji,
- dowanie pozoru systymu na przepomniane ôdewrzone ôkna,
- przekuplowanie systymu wyntylacyje na przeciwôgniowy alarm,
- wykorzistywanie czujnikow ruchu do reskyrowanio ôświytlyniym,
- wykorzistywanie kontaktronow ôkynnych do reskyrowanio ôgrzewaniym,
- automatyczne rozbrojanie nocnyj couny, kej ftoś przidzie ôd niyuzbrojonyj tajle domu.
Keby w chałpie znodli sie niyproszyni goście...
Systym niy ino włonczy syryny. Dziyńki wykorzistaniu inkszych podsystymow, intruzy niy bydom miyle spominać tyj przigody:
- zaroz po ôdkryciu intruzow i sztartniyńciu alarmu dostaniecie informacyjo ô włomaniu. Powiadomione bydom tyż ôdpednie sużby i skazowane przodzij ôsoby.
- We tym samym czasie alarmowe syryny wyskajom, a w doma wszyjske światła i rolety wartko sie włonczajom i wyłonczajom, coby somsiady dali pozor.
- Zestarani włomywacze gibko chcom uciyć, atoli we zygrodzie czeko na nich dalszo utropa. Zroszacze zawodzajom przi uciyczce i skuli nich włomywacze ôstowiajom barzij widzialne depy.
- Wszyjsko je spamiyntane ôd kamer monitoringu
Monitoring
Połno informacyjo w kapsie i taszy – dostympno we smartfonie, tablecie abo bez WWW. Dziyńki tymu, kej som my na wywczasach, mogymy dostować informacyje ô tym, co aktualnie dziywo sie we naszyj chałpie. Mogymy poprosić systym, coby co jakiś czos wysyłoł nom informacyje ô aktualnym statusie i ôńskich zdarzyniach, jak np. przichod briftryjgera abo wiela było zwonkow domofonu. Mogymy tyż podejzdrzeć ôbroz ze ôbranych kamer. Zalyżnie ôd naszych preferyncyji mogymy ôstawić systym samymu siebie na cołke wczasy abo regiyrować cołkim stawiyniym zdalnie.
Systym inteligyntnygo stawiynio zwolo na realizowanie rozwiniyntych funkcyji monitoringu:
- Ôbziyranie aktualnego ôbrozu z kamer,
- Funkcyje czasowe (możność programowanio jakich ino akcyji, np. we raji tydniowyj, miesiyncznyj atp.)
- Sztrefy czasowe (możność zrychtowanio przedziałow czasowych i wykorzistanio ich we systymie bp. "Robota 8-16" – ôd ôsmyj do sztwortyj po połedniu rychtujymy strefa czasowo, mianujymy ja "Robota" i ino we tym czasie ôbiekt bydzie monitorowany),
- Registracyjo definiowanych zdorzyń (włażynie do stawiynio, aktywacyjo alarmu),
- Hybrydowy monitoring: analogowo-cyfrowy,
- Spamiyntywanie ôbrozu ze kamery za film,
- Możnośc pokozywanio ôbrozu ze sztyrech kamer społym,
- Spamiyntywanie ôbrozu ze kamery za fotografijo,
- Spamiyntywanie ôbrozu ze kamery za fotografije poklotkowe,
- Aktywacyjo spamiyntywanio przi ôdkryciu ruchu,
- Spamiyntywanie sztartowane manualnie,
- Pokozywanie aktualnych i archiwalnych spamiyntanych filmow bez zintegrowany ôdtworzocz,
- Przikłodowy widok przi ôbziyraniu ôbrozu ze kamer Widok ôdgrywanio nagranego sztofu wideo
- Pokozywanie aktualnego ôbrozu ze kamer bez przeziyroczka WWW ze jakigo ino placu na świecie,
- Możność eksportu datow do popularnych formatow wideo (bp.: AVI) bez zintegrowany ôdtworzocz,
- Możność pokozywanio aktualnego ôbrozu ze kamer bez smartfony i tablety ze systymym Android abo iOS (iPhone, iPad).
- Możność regiyrowanio kamerami ôbrotowymi PTZ,
- Możność sterowanio kamerami ôbrotowymi bez smartfony i tablety ze systymym Android abo iOS (iPhone, iPad).
